"Беларускiя Ведамасьцi" 6/99

ПРОСЯЦЬ "УМЯШАЦЦА"
==================

   Неяк прышлося мне размаўляць на Пцiчы за Пухавiчамi са старым
беларусам пра незалежнасьць Беларусi. "Анiчога ня будзе, чалавеча,--
дурны народ i пракляты край,"-- сказаў мне народны мудрэц.
   Так мы й размаўляем -- змагары з мудрацамi. Усё ХХ-е стагоддзе.
   Нядаўна, калi ўжо поўным ходам рыхтаваўся аншлюс Беларусi Расеяй i
разгортвалася расейская агрэсiя i расейскi ваенны тэрор у Чачэнii,
зьявiлася ў малым беларускiм друку кароткае паведамленьне: "19
верасьня Зiнаiда Ганчар, жонка Вiктара Ганчара, якi зьнiк 16-га
верасьня, накiравала адкрыты лiст прэзыдэнту Расеi Б. Ельцыну, дзе
напiсала наступнае: "Я зьвяртаюся да вас з просьбай умяшацца i
дапамагчы спынiць тэрор у Беларусi, а таксама дапамагчы высьветлiць
лёс майго мужа.*
   Ну дзе тут забудзеш тую Пцiч.


                                                Адам МIКША
-----------------
* "Права на волю", No.18, 1999, Менск

Файл падрыхтаваны Раманам Салаўянам.