"Беларускiя Ведамасьцi" No.4 (14) 98

  АХВЯРЫ "ФАШЫЗМУ" I "ДЗЕМАКРАЦII"
  -------------------------------
   Мы ўжо пiсалi пра энкавэдзiсцкую правакацыю расейскiх калянiяльных
пэнсiянераў ў Рызе i пра слабую палiтыку Латвii адносна Расеi i яе
пятай калёны. Рускiя пэнсiянеры ня хочуць ведаць латышскай мовы, не
iмкнуцца стаць грамадзянамi Латвii, ня хочуць паважаць латышскую
дзяржаву, але патрабуюць для сябе выключных адносiнаў. Пры гэтым
называюць латышоў "нацыяналiстамi" i "фашыстамi".
   Амэрыканцы, французы i iншыя вялiкiя руплiўцы правоў чалавека
ўгледзелi тут ушчымленьне правоў нашчадкаў расейскiх акупантаў. "Дайце
iм грамадзянства," -- раяць яны гэтым "нацыяналiстам" латышам.
   Ведама, французы -- разумныя людзi -- французкi замок прыдумалi.
Пра амэрыканцаў ужо й не кажу. Гэтыя -- ня тое, што латышы, толькi
нацыяналiзмам i займаюцца: прымушаюць чалавека, ламаючы ўсе яго правы,
здаваць экзамен на грамадзянства ЗША па гiсторыi i Канстытуцыi
Амэрыкi. Дзiкунства! Мала того. Прыдумалi яшчэ экзамен па амэрыканскай
(то бо -- па ангельскай) мове. Не здасi экзамен па мове -- i
грамадзянства не атрымаеш. Ну, гэта ўжо зусiм фашызм. Ды яшчэ й пяць
гадоў чакаць чалавеку на гэтыя нацыяналiстычныя экзамены. А яшчэ
краiна эмiгрантаў.
   Французы дык "ваабшчэ рускава языка не панiмают". Нядаўна вялiкi
дзеяч i дэсiдэнт чалавецтва вядомы рускi патрыёт Аляксандар Гiнцбург,
рэдактар, "Рускай мыслi" i член французкага ПЭН-клюбу, атрымаў,
"па-блату" ад Мiнiстра культуры Францыi запэўньваньне, што яму хутка
дадуць французкае грамадзянства.
   18 гадоў змагаўся вялiкi рускi чалавек за гэтае самае французкае
грамадзянства. Але ведама Францыя -- фашысты. Дзяржаўны чыноўнiк,
гэтакi француз, паглядзеў у каторы раз на Гiнцбурга i кажа, што хоць
гаворыць ён па-французку добра, але чытае i пiша дрэнна, таму ў
грамадзянства яшчэ ранавата. I адмовiў у натуралiзацыi. Усюды фашысты,
адны фашысты.
   Адзiнае, што можна хiба параiць цяпер таварышу Гiнцбургу i iншым
ахвярам французка-амэрыканскага нацызму -- гэта эмiграваць у
лукашэнкаўскую Беларусь. Тут рай. Нi табе нацызму, нi табе фашызму.
Нiякай гiсторыi. Адна дэмакратыя. А беларускую мову ня тое, што ведаць
ня трэба, але i шкодна. Аднак хiба такое растлумачыш гэтым французкiм
цi амэрыканскiм нацыяналiстам! Iм Латвiю падавай.
   I ўсё ж такi, i ўсё ж. Застаецца без адказу адно пытаньне. Чаму
гэтакiя самыя правы чалавека для французаў i амэрыканцаў ня ёсьць
гэтакiмi самымi правамi для латышоў?
   А так, увогуле -- усё нармальна. Дземакрацiя.

        Адам Мiкша ("Беларускiя Ведамасьцi")

Файл падрыхтаваны Раманам Салаўянам.