Сёньня няма з намі выбітнага дасьледчыка беларускай гісторыі Міколы Ермаловіча. Але гісторыя Беларусі, адноўленая ў яго працах, неўміручая. Будуць жыць яго гістарычныя працы, творы, вершы.

Водпаведзь.

На ваш папрок, што шмат нам далі,
Скажу я вам такое слова:
Вы ДАСТАЕЎСКАГА ў нас ўзялі,
Замест нам даўшы мураўёва.

Наш ДАСТАЕЎСКІ крыж няволі
За вашу волю нёс бясстрашна,
Ён азарыў з сардэчным болем
Пацёмкі вашых душ няшчасных.

Ваш мураўёў распяў на крыжы
Тых, хто паўстаў за нашу волю,
І Кастуся зару згасіўшы,
Нас цемрай гвалту абяздоліў.

Вы нас бязбожна абкрадалі
Ці то ў стары час, ці у новы:
Вы ДАСТАЕЎСКІХ у нас бралі,
А нам давалі мураўёвых.